Khutbah Jum'at Bahasa Jawa Akhlak Ingkang Minulyo pondoklentera
AKHLAQ
INGKANG MINULYA
Dening: Alm. Ustadz Amir Hasan, S.Ag.
اَلسَّلاَمُ عَلَيْكُمْ وَرَحْمَةُ
اللهِ وَبَرَكَاتُهُ
اَلْحَمْدُ ِللهِ اَنْزَلَ
الْفُرْقَانَ عَلَى رَسُوْلِهِ لِيَكُوْنَ بَشِيْرًا وَنَذِيْرًا , وَدَاعِيًا
اِلَى اللهِ تَعَالَى بِاِذْنِهِ سِرَاجًا مُنِيْرًا , وَاِلَى الْجَنَّةِ مُسْتَقَرًّا
وَمُقَامًا, أَشْهَدُ أَنْ لاَ إِلهَ إِلاَّ الله وَاحْدَهُ لاَ شَرِيْكَ لَهُ
وَأَشْهَدُ أَنَّ سَيِّدَنَا مُحَمَّدًا
عَبْدُهُ وَرَسُوْلُهُ. اَللّهُمَّ َصَلِّ
وَسَلِّمْ عَلَى سَيِّدِنَا مُحَمَّدٍ حَثَّ النَّاسَ عَلَى اِكْثَارِ
الصَّلَوَاتِ وَالتَّوَسُّلِ بِهَا عِنْدَ سُؤَالِ حَاجَتِهِ وَعَلَى آلِهِ
وَأَصْحَابِهِ أَجْمَعِيْنَ. أَمَّا بَعْدُ؛ فَيَا عِبَادَ اللهِ، أُوْصِيْكُمْ
وَنَفْسِيْ بِتَقْوَى اللهِ، اتَّقُوا اللهَ تَعَالَى فِى تَغَيُّرِ الزَّمَانِ
وَاْلأَوَانِ. قَالَ رَسُوْلُ اللهِ صَلَّ اللّهُ عَلَيْهِ وَسَلَّمْ : اَفْضَلُ
الْمُؤْمِنِيْنَ اِسْلاَمًا مَنْ سَلِمَ اْلمُسْلِمُوْنَ مِنْ لِسَانِهِ وَيَدِهِ,
وَاَفْضَلُ اْلمُؤْمِنِيْنَ اِيْمَانًا اَحْسَنُهُمْ خُلُقًا, وَاَفْضَلُ
الْمُهَاجِرِيْنَ مَنْ هَاجَرَ مَا نَهَى اللهُ عَنْهُ , وَاَفْضَلُ اْلجِهَادِ مَنْ
جَاهَدَ نَفْسَهُ فِى ذَاتِ اللهِ عَزَّ وَجَلَّ (رواه الطبرنى عن ابن عمر)
Hadirin
Para Jamaah Jum’ah Ingkang Minulya..
Mangga
kita sedaya sami ajrih dumateng Allah SWT wonten ing mangsa punapa kemawon lang
mangga kita sami anjagi akhlaq saha mu’asyaroh ingkang sahe dumateng tiyang
sanes. Kanjeng Nabi sampun ngendiko wonten ing haditsipun : “luwih
utama-utamane wong mukmin mungguh Islame yaiku para wong Islam padha slamet
sangka lisane lan tangane, lan luwih bagus-baguse wong mukmin mungguh imane
yoiku wong kang luwih bagus budi pekertine, lan luwih utamane wong kang padha
hijrah yoiku wong kang padha ninggalake larangane Gusti Allah, lan luwih
utamane jihad yaiku wong kang merangi hawa nafsune ing dalem murih Ridhone
Gusti Allah Ta’ala”.
Hadirin
para jamaah Jum’ah Ingkang Minulya..
Dados
kesimpulanipun hadits kasebat bilih utaminipun tiyang mukmin punika tiyang
ingkang tansah anjagi lisanipun, menawi guneman kedah ingkang sae lan ingkang
tansah wonten manfaatipun. Sampun ngantos sami ngobrol ingkang ndadosaken
serikipun tiyang sanes kadosto ngglendengi, adu-adu, nacat lan sanesipun. Lan
kedah anjagi tanganipun sampun ngantos nyakiti tiyang sanes, mendet utawi
nyolong jupuk hakipun tiyang sanes. Kanjeng Nabi Muhammad SAW ngendiko:
مَنْ كَانَ يُؤْمِنُ بِاللهِ
وَالْيَوْمِ اْلاَخِرِ فَاْليَقُلْ خَيْرًا اَوْ لِيَصْمُتْ. (رواه البخاري)
Artosipun
: “Sapa wonge kang iman marang Allah lan dino akhir mangka yen guneman, guneman
sing apik utawa menengo” (HR Bukhori)
Lan
langkung utamanipun tiyang mukmin punika tiyang mukmin ingkang langkung sae
budi lan pekertine. Dados tiyang mukmin kedah anggadahi budi pekerti ingkang
sae lan raos tepo seliro. Bilih pribadi kito piyambak rumaos remen menawi
tiyang sanes paring hurmat dateng kita pramila kita kedah menghormati tiyang sanes.
Menawi kita rumaos bungah menawi dipun aturi tiyang sanes, pramila kita kedah
remen nyukani dateng tiyang sanes. Langkung-langkung menawi kita rimaos sakit
menawi dipun sakiti utawi dipun sepeleaken tiyang sanes, pramila kita sampun
ngantos nyakiti utawi nyepeleaken dateng tiyang sanes.
Hadirin
Jamaah Jum’ah Ingkang Minulya...
Menawi
kita sedaya gesang wonten ing ngalam bebrayan ing ngalam dunya punika saged
nindaaken khusnul khuluq lan tepa selira Insya Allah kita gesang wonten
ngalam dunya badhe kraos tenterem, tenang, makmur, aman lan sanesipun, saling
hurmat menghurmati lan tulung tinulungan. Rosululloh SAW ngendiko:
اَحِبَّ لِلنَّاسِ مَا تُحِبُّ
لِنَفْسِكَ تَكُنْ مُسْلِمًا
Artosipun
: “Sira gaweha demen marang wong liya kelawan barang kang sira demeni, mangka
sira bisa dadi wong Islam kang temenan”.
Hadirin
Jamaah Jum’ah Ingkang Minulya..
Islam
punika agami ingkang Rohmatan lil ‘alamin, pramila kita minangka tiyang muslim
kedah saged dados patuladan tumrap umat lintunipun utaminipun babagan akhlaqul
karimah ing ngalam dunya punika. Sampun ngantos kita kawon kaliyan umat sanes
ing dalem kesaenan gesang wonten ing alam dunya.
Babagan
punika sampun dipun paring conto lan tuladha sangking kanjeng Nabi Muhammad
SAW. Bilih kanjeng nabi dipun utus wonten ing ngalam dunya supados paring
patuladhan tumrap umat manungsa menggah akhlaqipun.
اِنَّمَا بُعِثْتُ لِأُ تَمِّمَ
مَكَارِمَ اْلأَخْلاَقِ
Artosipun
: “Saktemene ingsun diutus deneng Gusti AllAh ora ana liyo kejaba supaya bisa
nyempurnaake akhlaq umat manungsa”.
Hadirin Jamaah
Jum’ah Ingkang Minulya..
Mugi –
mugi kita kalebet golonganipun tiyang
ingkang tansah saged nglasanaken sedaya dawuh lan perintahipun Allah lan
utasanipun. Mugi – mugi kita tansah pinaringan kekiyatan lan lansah anggadahi
akhlak ingkang sae ing gesang kita wonten ing alam dunya punika. Amin.
وَاِذَ قُرِئَ الْقُرْاَنُ
فَاسْتَمِعُوْا لَهُ وَاَنْصِتُوْا لَعَلَّكُمْ تُرْحَمُوْنَ. أَعُوْذُ بِاللهِ مِنَ الشَّيْطَانِ الرَّجِيمِ
بِسْمِ اللهِ الرَّحْمَنِ الرَّحِيْمِ . وَاَمَّا مَنْ خَافَ مَقَامَ رَبِّهِ
وَنَهَى النَّفْسَ عَنِ اْلهَوَى . فَاِنَّ اْلجَنًّةَ هِىَ اْلمَأْوَى.
بَارَكَ اللهُ لِيْ وَلَكُمْ فِي الْقُرْآنِ
الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ
الْحَكِيْمِ. وَقُلْ رَبِّ اغْفِرْ وَارْحَمْ وَاَنْتَ خَيْرُ الرَّاحِمِيْن
*) Dok. 2018: Naskah Khutbah kaserat dening Bapak Amir
Khasan, S.Ag (Penyuluh Agama Islam Fungsional Wilayah Kecamatan Banyuurip)
